Ekskluzive
TheVissyion
LiveVendi

Dënimi i Bardhit dhe Balliut, Korreshi: Dënim i paracaktuar, u shkel rregullorja

Deputeti i Partisë Demokratike Saimir Korreshi ka reaguar, pas vendimit të Sekretariatit të Etikës, për përjashtimin me 60 ditë të deputetëve opozitarë Gazment Bardhi dhe Klevis Balliu.

Pikat kryesore

  • PS kërkon përjashtimin me dy muaj të Bardhit dhe Balliut, vendos sot Sekretariati i Etikës
  • Etika përjashton Bardhin dhe Balliun me 60 ditë, deputeti demokrat: Gjithçka me urdhër të kryeministrit Rama
  • Dënimi i Bardhit dhe Balliut, Korreshi: Dënim i paracaktuar, u shkel rregullorja
Admin
Admin

· Përditësuar

PS kërkon përjashtimin me dy muaj të Bardhit dhe Balliut, vendos sot Sekretariati i Etikës
Teksti
2 përditësime
Ngjarjet kryesore▾

E fundit · Postim i fiksuar

11:45Ngjarje kryesore

Dënimi i Bardhit dhe Balliut, Korreshi: Dënim i paracaktuar, u shkel rregullorja

Deputeti i Partisë Demokratike Saimir Korreshi ka reaguar, pas vendimit të Sekretariatit të Etikës, për përjashtimin me 60 ditë të deputetëve opozitarë Gazment Bardhi dhe Klevis Balliu.

Korreshi shprehet se ky është një dënim i paracaktuar, duke deklaruar se pas vendimit qëndron kryeministri Edi Rama.

Sipas tij, është shkelur me të dyja këmbët rregullorja e parlamentit.

Deputeti Saimir Korreshi: Është një dënim i dhënë jashtë rregullores. Kjo është shkelje e rëndë e rregullores së Kuvendit të Shqipërisë. Maksimumi duhet të ishte përjashtim 10 ditë.

Nuk ka pasur lëndë piroteknike në seancë. Seanca ka qenë publike dhe nuk ka pasur asnjë dhunë. Ishte vendim i paracaktuar nga Edi Rama dhe këta të tjerët bëjnë çfarë thotë kryeministri.

Dënimi i Bardhit dhe Balliut, Korreshi: Dënim i paracaktuar, u shkel rregullorja

Më herët

11:42Ngjarje kryesore

Etika përjashton Bardhin dhe Balliun me 60 ditë, deputeti demokrat: Gjithçka me urdhër të kryeministrit Rama

Etika ka marrë vendimin për ta përjashtuar Gazment Bardhin dhe Klevis Balliun me 60 ditë.

Vendimi u mor pas incidenteve në parlament, gjatë votimit të reformës territoriale. Bardhi dhe Balliu hodhën vezë dhe ujë në drejtim të kryeministrit gjatë seancës për votimin e “Territoriales”.

Pas vendimit, ka ardhur edhe reagimi nga ana e Balliut. Ai shprehet se është absurde, që goditje me vezë të cilësohet si një akt dhune. Balliu thekson se çdo vendim vjen me urdhër të kryeministrit Edi Rama.

“Është absurde që goditja me vezë konsiderohet akt dhune. Ne po akuzohemi se paskemi ofenduar Peleshin. Të na thonë se Agasi na ka urdhëruar që ne t’ju përjashtojmë për 2 muaj. Pa diskutim që ne do e ankimojmë. Çdo gjë vjen me urdhër të kryeministrit Rama”, tha Balliu.

Etika përjashton Bardhin dhe Balliun me 60 ditë, deputeti demokrat: Gjithçka me urdhër të kryeministrit Rama
11:20

PS kërkon përjashtimin me dy muaj të Bardhit dhe Balliut, vendos sot Sekretariati i Etikës

Nisma e socialistëve vjen pas tensioneve të regjistruara në seancën plenare ku u votua Reforma Territoriale. Gjatë zhvillimeve në Kuvend, drejt kryeministrit Edi Rama, anëtarëve të qeverisë dhe deputetëve të PS-së u hodhën shishe uji dhe vezë, në një seancë të shoqëruar me përplasje mes mazhorancës dhe opozitës.

Kërkesa për masa disiplinore mban firmën e 10 deputetëve socialistë. Në argumentet e paraqitura, ata e cilësojnë sjelljen e dy deputetëve të opozitës si incidente të rënda, duke përmendur fyerje, provokime dhe sulme fizike gjatë seancës parlamentare.

Tashmë, vendimi i Sekretariatit të Etikës do të përcaktojë nëse Bardhi dhe Balliu do të përballen me masën e kërkuar nga mazhoranca.

Në rast se kërkesa miratohet, dy deputetët demokratë do të mbeten për dy muaj jashtë seancave plenare dhe mbledhjeve të komisioneve parlamentare. Përveç kufizimit të pjesëmarrjes në punimet e Kuvendit, masa parashikon edhe ndërprerjen e pagës gjatë periudhës së përjashtimit.

Përditësuar më E Hënë, 12 tetor 2026, 11:49 CEST

1 min lexim

Komente

Duke ngarkuar komentet…

Lajme të ngjashme

  1. 1
  2. 2
  3. 3
  4. 4
  5. 5
  1. 6
  2. 7
  3. 8
  4. 9
  5. 10

Buletin

Edicioni i Parë

Emaili ynë i mëngjesit përmbledh lajmet kryesore të ditës, duke ju treguar çfarë ndodh dhe pse ka rëndësi. Çdo ditë pune në orën 7.

Pa spam. Çregjistroheni me një klik, kur të doni.